fi il 3ira9 jè sadam 7sine
we yji yesser 3arafat fi filastine
fi libia jè il gaddèfi mba3ed mè il 7omkm te9leb
we fi nefss il 3am fi suria jè 7afeth il assad..
fi tounes jè bourgiba we fi dzeyer a7med ben bella
za3ama a9wmeya mè testarrefchi bel mella
mè to7komchi bel islam tetbanna la laicitè
be manhaj al 3elmania / to7kom la socitè..
nfasserlek il 3elmania na3tik la difinition
hia il separation bine l'etat we bine la religion
ma3netha ina7iw il islam we n7otou 9awanine wath3ia
jeybinha mel chouyou3ia wela il thawra il firanssia..
be lougha o5ra houma a9wiyè2 mè yest7a9ouchi 3awn
be lougha o5ra houma a3lam men ilèh al kawn
be lougha o5ra vraiment mè l9it mè n9oul
voltere w carl max el zouz a3lem merrasoul..
جابها و جاء هنا هههه هذاكا علاش قلتلكم غناية ما لبوبالة جاية من عقلية و تحليل مالبوبالة
================================================
mala bi3 ichrab wa3mel bouyout lizina
we chihemek fi il 9o2ène wemchi 7alel iribè
we lazmek to5zor lidenia be nathra ta9adoumia
we5tak mel islam il islam raw raj3ia..
domage ki nasma3 elli yet9al
izou3amè2 hèthouma ysawrouhomlna ki il abtal
ena iste9lel il 9awmeya 3andi mehouchi iste9lel
we drapeau bledi mehouchi rouge et blanc fih nejma wahlèl..
ena drapeau bledi 3andou teri5 majid
alawn mte3ou aswwed we fih rayet ataw7id
ena bledi mel mou7it lil 5alij
hètheka 3lech ki nasma3 kelmet filastine wa7di nhij..
hani n9oulha we mè yhemnich fi ichatè2em
n9oulha we lè a5afou fellèhi lawmata la2em
n9oulha en tant ke rapeur y7arekni il imène
la badil 3ala islèm lè badil 3ala al 9or2ène..
================================================
konna dawla wa7da ta7t rayet al 5ilefa
lè tfare9na 7oudoud lè tfare9na masafa
3anna rab we7ed kent 3anan 3a9ida wa7da
konna i5wa fiil islèm we ichou3oub kol meta7da..
lyoum jèt il 9awmeya we il il7ad li fara9na
b3edna 3al islèm we tchatetna we tmaze9na
lyoum walina ena tounssi wenti dziri we le5er massri
il 9awmia il 3arabia nasetni el youm asli..
hètheka 3lech ki nchouf li yssir nab9a 7ayer
bine i5wenna mta3 massréyin we i5wenna ta3 il jazeyer
3la parti foot 3addi itti7 larwè7
lazem cha3b el massri ymout bech cha3b dzeyer yartè7..
we mba3ed thrabna il virus na7na twenssa
net7alfou fi il masrieyyine be teskra lil jabena 5alssa
3ala asra ittarajjine iness bkèt bel malayine
mè bkinech 3lehom kif asra il 3ira9 we filastine..
================================================
pourtant fi filastine les jeunes tjehed 3al islèm
il jaych yabda wrah wel moudara3at 9odem
we mè yghithnèch ki yti7 asir fi al aydi isouhyounia
9ad mè yghithna we7ed yjehed w ydefa3 3al jam3ia ..
we zid il virage ghadika choukeni ena lahnè
fi blasset yestaghith be rabi yghanni 7oumèt al 7imè
yestaghith bel 9awmeya we el chi3arat al watania
chabeb la3bou bih we nssè hawitou il islamia..
parcontre mè 9otlekchi osskot wela ab9a calme
na3ref belli 7akem massr ghadi howa idhalem
mè 9otlekechi tabess rassek wela artha bethol
o9ssom beleh ena hnè ne8li w 9albi t3abba gholl..
mais kenet 3andi nathra b3ida we une vision politique
mech kima barcha rapeurèt 7abba ta3mel public
kont 9aader n5arej rap ki il messile
nzid n2ajej il fetna we n5ali idam yssil..
ياااااسر خخخخخخ هههههععععع ملا بسيكو آم يا انتي يا نووي يا معااااااااالم
================================================
kont 9ader nseb cha3b we 7oukoumet massr
mais 3aref beli hedha klém mè 3andou wine ywassel
innassr raw mè yjichi bessabène
mè yjich ki ncha3el innar we nzid nonchor la haine..
issabène we achatè2em mech men manhej annoubowa
il 7ekma we il 7oja houma li fehom il 9owa
ena il rap mte3i 9ayem 3atta7lil
hètheka 3lech mè nanfa3elech we na3tik rap kollou tafssir..
alors efhemni we rakez mè tabdèch mchanej
ala3belhom kima systeme fi partie chitarnj
bech tefhemi lezmek to5zor il 9odem
lazem 3andek la mentalitè psyco m..
خخخخخخخ باهي هاني سكتت و ماني متكلم كان كيف نخلطو لموضوعنا
lazem 3andek la stabilitè psychologique
we vision international we ineteligence analitique
lazem 3andek vision ta9der tekchef al masstour
3andek vision ta9der ta9ra ma bine asoutour..
================================================
bech mè iti7ech fi il piege kima sar m3ahom houma
we ta9der ta3ml far9 bine iacha3b we il 7oukouma
il 7oukouma we il i3lem il massri chtarhom 3oumalè2
we icha3b meskine haw y9asi we fi cha9a2..
we hani n9oulha we mè yhemnich fi achatè2em
n9oulha we lè a5afou fi illèhi law mata lè2em
je menfou men siyesst al 7oukoumèt
acha3b itoussni wel cha3b el massri izoouz yab9aw 5wèt..
mè t5alich il 9awmeya we il 3ourouba t2ather fik
mè ttaba3ch chi3arat Les etats laïques
ena 3andi ya9ine we mè fih 7atta doute
omma ijtam3et 3al islam mè tfare9hèch partie foot..
7kitlek 3al 9awmeia just mel plan strategique
mel plan militaire we il plan geopolitique
tawwa nfaserhelek mel plan mental
mel plan psychologique we le plan mta3 7arb il afkar..
================================================
kima l3ada rakez haw bech nabda nfasser
narja3 bik ltèli snine na7kilek teri5 ta3 massr
narja3 bik il teri5 il omma wine bdèt t3ani3
3ahd itaghrib il fekri ljamel iddine il afghani..
3ahd nach2at achbèh al moutha9afine
we al afkar al3elmania li t7areb fi iddine
teri5 lrafa3a itahtawi we teri5 taha 7ssine
ltalamith mohamed 3abdou kif amthèl 9assem emine..
3ahd kamal ataturk we 3ahd sa3d zaghloul
we adda3wa litabaroj lil fess9 wel foujour
3ahd itta2wil we ita7rif fi il fatèwi
3ahd ta7aror il mar2a ta7t rayet houda icha3rawi..
we tal3et chi3arat al 9awmeya wel il7ad
wal7arb al fekria li kenet tonchor lefssed
ata3n fi iddine walèt issmou jor2a
il insilè5 3al islèm samèwah ta7rir il mar2a..
================================================
we tal3et ness ta7ki bessm iddine
3oulamè2 3oumalè2 chtarhom mounefi9ine
3oulamè2 blè mithè9 9loub kolha nife9
we al azhar idanes be mostafa 3abd irrazè9..
wa7na zeda thrabna hal virus fi lebled
fi il 3ahd il 9adim bafkar itaher 7aded
we inatija c ke fass5ou itachri3at il islèmia
we fi blasetha 7atou majelet la7wel icha5sia..
hèthouma cha5siyèt ysawrouhomlna 3oudhamè2
wena no93od dima no5zrelhom soufèhè2
we mè t9olich ta pas le droit we tofroth 3lia isskèt
we t9oli mè 3andekech il 7a9 tenta9ed hacha5siyèt
mela 9bal mè te9ef we tjuji psyco m
7asebhom houma li yenta9du fi il islèm
mè 3adnich il 7a9 non9od cha5syèt ma3roufine
we normal 3andkom houma kif yenta9dou iddine..
================================================
bref / hèthouma ness 9albhom 3ala il 7a9 mèl
dou3at litabaroj lil fousou9 wel in7ilel
we lyoum 3ala 5outahom haw jena jil jdid
nafss il jil li taya7 il soltan 3abd il 7amid..
هنا يبدا يحكي على الجماعة، و البداية مع سوسن معالج
ness mediatisè wasline fi il i3lem
befkar 3elmania thadem il islem
tchouf ita9adom fi la3rè w ezzina
htèheka 3lech fi nesma tv sma3na 9elet la7yè..
sma3na actrice mritha lazemha tet3alej
هذية قابلة للتأويل اما برجولية لازمها محامي غول باش يطلعها ثلب مباشر لشخصها
9a3dou t9oul fi klem mè yet9alech
vraiment mala scandal fi hallimision
klem 9hawi mè yet9alech fi il television..
we mba3ed tji ta7mel rayet il omma
we fefti fi il 7ijèb we tefhem fi il fe9h we issona..
il 7amdoulilah 3anna hakka actrice
t9oud il il mar2a wel omma bechampania wel pastice..
هنا توفى حكاية سوسن معالج
ونراو بكل وضوح انو رغم المرجعيات الدينوـخوانجية ما فماش ثلب و لا سبان (ما حسبتش حكاية مرضية لازمها تتعالج) و لا دعوة لممارسة العنف
و انما نقد صافي للممارسات بدون المس بالشخص ذاته
هنا نحكي بالطبيعة من وجهة نظر قانونية بحتة مجردة من اي اعتبار سياسي ولا ايديولوجي (رغم اني نبخر بريحة الخوانجية) و يظهرلي واضحة الحكاية
================================================
هنا زادة كلام نقد عادي للسينما اللي عاملة العار بالضحالة و الايروتيسم المجبود مالحيط و من غير كونتاكست فني
التسطير يوضح النقد اللي لا فيه لا سبان و لا ثلب
nchoufou des realisateur 3andhom complexe
3andhom 9arn fi il domaine yahkiwelna ken il sexe
tchouf aflem tchawah il islem wel politique
tchouf aflem kolha 5maj kolha erotique..
cinema kolha da3ara m3abia bel 9athara
ki ysawrou mra fi il farch 3andhom 9emet il 7athara..
mela ija na3tik mithèl l ta9adom il 3arab
sif 7al9 il wed 3assfour sta7 we sfaya7 thhab..
nchoufou bnet bledna we il mar2a ita7arouria
kifech tcharefna fi il cinema al masria
ya3tiwha des medailles fi lefssed we des diplomes
a9wa actrice fi site sexe.com..
eske il mar2a lazem t3arri bech twasel fanha
eske il mar2a bech tet9adem lazm t3arri bdanha
bech tet9adem lazemha fi il 7amamet wa7dha tsayef
bech tet9adem lazemha tochrob we tetkayef..
================================================
هنا كلام فارغ ما تجبد فيه حتى شخص معين
we ki telbess il 7ijab hèthi twali regression
il 3effa raj3ia mè twekebech il civilisation
ysawroulna fi il islèm virus 9a3d yhadem
we il7ad wel3ra howa li yebni ita9adom..
هنا الفة يوسف
hètheka 3lech walèw ymay3ou fi ichabèb
walina nchouf il jupe mini yefti 3al 7ijèb
nchoufou 7ayret moslma thay3a fi awhemha
pourtant il sonna we kitèb allah 9odemha..
nchoufou ness t7eb tghare9na ken fi ichahawèt
yjedlouk bel batel we yghatiw il 7a9 bechoubouhèt
chay5a kil manquin be style naoumi kamble
tefhem il 9o2ène 5ir men a7med ibnou 7ambel..
hètheka 3lech lebnèt badlou il 7ijeb bel persing
generation maktoub generation casting
hèthi teknik de manipulation mental
jeya mel endimol international..
كيف كيف ما ثماش ثلب مباشر و فقط نقد للفكر و الممارسات و لو اني الجملة الساخرة
chay5a kil manquin be style naoumi kamble
تظهرلي حادة و في منطقة رمادية كيما يقولو
لكن الحصيلة ميش خايبة و ترجح تبرئة بسيكو آم خصوصا و انو لازم حاجة واضحة و صريحة و مباشرة لتجريمه
================================================
asohyounia tsayer les media fi la tunisie
walew y7arkouna kima fi la psychokenisie
les media tformatilek mo5ek ki idiskèt
twali tsayrek we t7arekek kima les marionnettes..
hètheka 3lech walla 3anna chabèb mouhamach
chabeb ki tji tfaserlou mè yefhemech
nchoufou les torubles de la personalitè
chabéb 3andou une crise d'identitè..
nchoufou chabèb thaya3 mè 3andouch imène
nchoufou les homosexuel we bnèt lesbienne
kothrou les PD we lebnèt el jupe mini
les calins fi ichera3 walèt gratuit
nchoufou les emissions kolyoum fi il telivision
la3bed tsafe9 we tachta7 3al les chansons
cha3b il 3ira9 ymout we yetkafen bel kfan
mè yhemech houma fi watan we a7na fi watan..
================================================
hèthi siyeset attafri9
hèthi la politique ta3 les etat laiques
5wetna fi filastine yeghtasbouhom il yahoud
wa7na houni netfarjou bessm il watan we il 7oud
5alina mela chey5ine nchaj3ou fi il partiyèt
tinkièt kol samedi soir kolou chi5a we 5arjèt
hana chey5ine bel ghnè wel mousalsalèt
n3ichou 7oreyet al wahm we 9loubna fi soubèt
hèthi il 9awmeya il 3arabaia hak thocuf il mè2èssi
chouf itaghrib il fekri we zid itaghrib issyèssiè
filastine mè tebkich ken be3ouk il 7okém
haw jeyek jil bech yarfa3 rayet il isslèm
haw jeyek jil mè y5afech lè mel mout lè mel 7abs
jil yetmana tkoune 3andou 1000 nafs
nafs wra nafss tmout 3ajelek yè ghazza
3ala il jouthath mte3ou teterfa3 rayet il 3ezza
مبعد فازة الفة يوسف يوفى اللي يعنينا
و بالله لا تبداو تحاضرو كالجبورة على الطفل ماهوش يغني قاعد يحكي دين و بوليتيك الى غير ذلك من الحجج الخراوية المشوبة بحساسية رهيفة متاع انسان شعرو طويل و يحكي بالفرنسية كي السيد اللي في الفيديو الفوق و اللي ما ثمة كان هو فاهم اللعبة، موش منو من شعرو ههههه لانو، و افهموها بالقدا هاذي، ممكن الكلام هذاكا الكل يبرر كونو غالط حسب مرجعية عقلانية حداثية لكن ما يبررش اتهام باطل بالثلب و الا سجن الطفل هذا
خلاصة القول انو الحملة المقرفة متاع هالجماعة و اللي من رايي تفضح احادية نظرتهم لحرية التعبير (توة كي هو نقد فازات عملتهم انتي تي ماو جاوبو و افضحو قدام العباد موش تجري تحاكمو، و اذا تهددت ولا تعنفت ماو تشكي باللي عمل فيك هكاكة، موش باللي ممكن استوحى منو السيد كونك يلزمك تتعنف بطريقة ملتوية و ما تعنيش الرابور في شيء، و طاح الكاف على ظله) الحملة هاذي ما عندهاش حتى حجة صلبة و واضحة من غير ذاتية و تلوعيب
و لذا نتوقع انهم باش يخراولو فيه هههههههه
ايا انستكم
