سلام
اود الاشادة, من موقعي هذا كبوكشّان مستعرب بالحيوان محسن الشريف لاثباته للمرّة الالف, عن طريق فضيحته الاخيرة اللي جابلنا بها العار (هنا مثلا) , بان امثاله من مدعي الفن ناس جهّال و دغف, خصوصا و اني كي خرج الفيديو المذكور في فايسبوك ديراكت فهمتو اللي هو موش عارف بيبي نتنياهو حتى شكون يجي.. الشيء اللي طلع صحيح بما انه قال انه في بالو هذاكة اسم العريس متاع الحفلة اللي غنى فيها ههههههههههه يالل_____
ملا حالة و برّا.. و الانكى من هاذا انو هالحكاية كانت مناسبة عبر فيها البعض و هم اغلبية عن التجوبير المدقع المشوب ببعض من عقلية السبادري و القميص و اللحية عندما خرجت تعاليق تستنكر غناءه لليهود التوانسة لانهم يهود. انا نحب فقط نقول لها الجماعة, التونسي تونسي كان يهودي و الا مسلم و الا بوذي و الا خبزيست, و لذا المشكلة انهم صهاينة و ليس يهود و الفرق واضح, لان اليهودية دين و الصهيونية عقيدة سياسية قامت عليها جرائم لا تحصى و لا تعد, و اكثر من هذا المشكل انه كي واحد يدعو سي محسن الهايشة باش يحيي مجرم حرب كيما نتنياهو يتسمى مساند للقتل الهمجي و الحيواني للمدنيين الخ للخ من جرائم الكيان الصهيوني و هنا تكمن المشكلة موش خاطرهم يهود سي الهايشة
ولذا بربّي سكرو افامكم خريتولي في كيفي بالتجوبير متاعكم
